EN 
KM 
ជិតពីរទស្សវត្សរ៍មកហើយ ដែលលោក គង់ ផារិទ្ធ អ្នកច្នៃប្រឌិតតាមទ្រឹស្តីរូបវិទ្យា នៅតែបន្តការច្នៃប្រឌិត របស់ខ្លួនក្នុង ការបំប្លែងកម្ដៅព្រះអាទិត្យឲ្យក្លាយទៅជាថាមពលអគ្គិសនីសម្រាប់យកមកប្រើប្រាស់ជាមួយឧបករណ៍ផ្សេងៗទៅតាមតម្រូវការរបស់គាត់ផ្ទាល់ និងចែករំលែកដល់ប្រជាជនកម្ពុជា។
ជាពិសេសនារយៈពេលប៉ុន្មានឆ្នាំចុងក្រោយនេះ ដើម្បីចូលរួមលើកស្ទួយផលិតផលកសិកម្មរបស់កសិករជាច្រើននៅតាមបណ្តាខេត្តនានានៃប្រទេសកម្ពុជា គាត់ក៏បានកែច្នៃបច្ចេកវិទ្យាសូឡារបស់គាត់ទៅគាំទ្រ និងបម្រើដល់ការដាំដុះដំណាំគ្រប់ប្រភេទឲ្យបានគ្រប់រដូវរបស់ប្រជាកសិករ។
លោក គង់ ផារិទ្ធ ជាស្ថាបនិក របស់អង្គការអ្នកកសាងសមត្ថភាព (Local Capacity Builder-LOCAB) ដោយមានគម្រោងផ្តល់ការអប់រំភាពវៃឆ្លាត (Smart Training Center Project) ដល់បណ្តាយុវជនកម្ពុជាជាច្រើនឆ្នាំមកហើយ ហើយបច្ចុប្បន្នគាត់ជានាយកគ្រប់គ្រងទូទៅ ក្រុមហ៊ុន អាយ អឹម ប៊ី I.M.B (Cambodia) Group Co., Ltd. ផងដែរ។
កាលពីជាងមួយទសវត្សរ៍មុនគាត់គឺជាជនកម្ពុជាទី ១ ដែលបានកែច្នៃដោយទាញយកពន្លឺព្រះអាទិត្យមកបង្កើតជាថាម-ពលដើម្បីរុញច្រានឲ្យទោចក្រយាន(កង់)របស់គាត់អាចធ្វើដំណើរទៅមុខដោយពុំចាំបាច់ប្រើកម្លាំងជើងធាក់ទេ ដែលគេស្គាល់ជាទូទៅថា « កង់ប្រើថាមពលព្រះអាទិត្យ»។
នៅឯការិយាល័យផ្ទាល់ខ្លួនរបស់គាត់នៅក្បែរសាកល-វិទ្យាល័យ មនុស្សសាស្រ្ត និងសង្គមសាស្រ្ត កាលពីសប្តាហ៍មុន លោក ផារិទ្ធ បានឲ្យដឹងថា នាប៉ុន្មានឆ្នាំចុងក្រោយនេះយើងចាប់ផ្តើមរវល់វីវក់នឹងកិច្ចការថ្មីៗជាច្រើនទៀតដូចជាបង្កើត ម៉ូតូ និងរថយន្តប្រើប្រាស់ថាមពលព្រះអាទិត្យ ជាពិសេសគម្រោងប្រពន្ធផ្តល់ថាមពលពន្លឺនៅតាមគេហដ្ឋានដោយប្រើប្រព័ន្ធសូឡាថាមពលពន្លឺព្រះអាទិត្យ បំប្លែងឲ្យមកជាចរន្តអគ្គិសនីប្រើប្រាស់នៅតាមផ្ទះ ដែលពួកគាត់អាចប្រើបានអំពូលភ្លើងសម្រាប់បំភ្លឺ ប្រើកង្ហារ ទូរទស្សន៍ និងសាកទូរស័ព្ទឬកុំព្យូទ័រយួរដៃក៏បាន។
ចំណែកគម្រោងធំៗ គឺថាមពល សូឡាពីពន្លឺព្រះអាទិត្យដើម្បីគាំទ្រដល់ការបង្កបង្កើនផលនៅក្នុងវិស័យកសិកម្មដាំដុះដំណាំផ្សេងៗតាមចម្ការតូចៗ រហូតដល់រាប់ហិកតា និងកសិដ្ឋានចិញ្ចឹមសត្វជាដើម។
លោក ផារិទ្ធ បានពន្យល់ថា នៅប្រទេសកម្ពុជាយើងបញ្ហាកង្វះថាមពលអគ្គិសនី បង្កជារនាំងនៃដំណើរការអភិវឌ្ឍទូទៅ។ ជាសកល ថាមពលអគ្គិសនីគឺជាគន្លឹះចម្បងមួយសម្រាប់ជាកម្លាំងចលករដំបូងបំផុតដើម្បីជំរុញឲ្យសេដ្ឋកិច្ចប្រទេសនីមួយៗអាចស្ទុះលឿន ទៅមុខបានឬក៏អត់។ ក្នុងនាមជាបុគ្គលចូលចិត្តកែច្នៃ ឬក៏ប្រើប្រាស់នូវធនធានធម្មជាតិប្រកបដោយភាពវៃឆ្លាត យើងបានចាប់ផ្តើមអភិវឌ្ឍពីមូលដ្ឋានដំបូងរបស់ខ្លួនពីការបំប្លែងថាមពលព្រះអាទិត្យ ទៅរុញ ច្រានទោចក្រយាន(កង់) ទោចក្រយានយន្ត(ម៉ូតូ) រថយន្ត ឲ្យទៅជាថាមពលប្រកបដោយផលិតភាពនៅក្នុងវិស័យកសិកម្មវិញម្តង។
លោកបញ្ជាក់ ថា៖ «ចាប់តាំងពីឆ្នាំ ២០០៨ មក ក្រុមហ៊ុន អាយ អឹម ប៊ី និងអង្គការ LOCAB បានសាកល្បងបង្កើតគម្រោងថាមពលព្រះអាទិត្យឲ្យអាចយកទៅប្រើប្រាស់នៅក្នុងវិស័យកសិកម្មដោយយើងយកថាមពលព្រះអាទិត្យសម្រាប់បូមទឹកដាក់ស្រែចំពោះដំណាំស្រូវ បូមទឹកស្រោចដំណាំកសិកម្មផ្សេងៗរួមទាំងបន្លែបង្កាក៏ដូចជាដំណាំហូបផ្លែ និងដំណាំកសិឧស្សាហកម្មជាដើម »។
លោកបន្ថែមថា ជាធម្មតាសម្រាប់ការចំណាយក្នុងការបង្កើតឲ្យមានផ្ទាំងសូឡាដើម្បីសំយោគថាមពលពីពន្លឺព្រះអាទិត្យឲ្យមកជាថាមពលអគ្គិសនី វាពិតមានទំហំធំបន្តិចមែន ប៉ុន្តែកសិករឬម្ចាស់នោះ ពួកគាត់ពុំចាំបាច់ចំណាយទៅលើចរន្តអគ្គិសនី ប្រេងសាំង ឬប្រេងឥន្ធនៈអ្វីទេ ពួកគាត់មានចរន្តអគ្គិសនីប្រើប្រាស់តាមតម្រូវ ការ ហើយពួកគាត់ថែមទាំងចំណេញបានពេលវេលាច្រើនបំផុតដើម្បីនឹងមានឱកាសទៅបំពេញកិច្ចការផ្សេងៗទៀតដោយងាយស្រួល។ «ឧទាហរណ៍ បើកសិករជាអ្នកដាំដំណាំបន្លែបង្កាផ្សេងៗ ដែលមានចម្ការទំហំដី ២០ គុណ ៣០ ម៉ែត្រនោះពួកគាត់អាចចំណាយ ត្រឹមតែ ២៥០ ដុល្លារ ដើម្បីដំ ឡើងប្រព័ន្ធសូឡាសម្រាប់ប្រើម៉ូទ័របូមទឹកស្រោចដំណាំបានដោយងាយ»។
«ចំណែកឯកសិករធ្វើស្រែ បើគាត់មានផ្ទៃដីទំហំ ១ ហិកតា នោះគាត់ត្រូវចំណាយប្រាក់ចន្លោះពី ២៨០០ ដល់ ៣០០០ ដុល្លារដើម្បីដំឡើងប្រព័ន្ធសូឡាសម្រាប់បង្កើតចរន្តអគ្គិសនីយកទៅប្រើម៉ូទ័របូមទឹក ដោយមានទំហំមុខកាត់ទុយោចន្លោះពី ៤.៥ ទៅ ៥សង់ទីម៉ែត្រ ដែល វាមានសមត្ថភាពអាចបូមទឹក បាន ៥ ម៉ែត្រគុប ក្នុង ១ ម៉ោង នៃរយៈកម្ពស់ ឬជម្រៅបូមឡើង ៤ ទៅ៥ ម៉ែត្រ យ៉ាងមានប្រសិទ្ធភាពស្ទើរពេញមួយថ្ងៃតែម្តង ( ៨-១០ ម៉ោងជាប្រចាំថ្ងៃ) »។ នេះបើតាមការអះអាងរបស់លោក ផារិទ្ធ។
«ជាធម្មតានៅពេលដែលកសិករមានទឹកសម្រាប់ស្រោចស្រពគ្រប់គ្រាន់ នោះពួកគាត់នឹងមានឱកាសដាំដុះកសិផលទាំងឡាយបានគ្រប់រដូវ ហើយបើស្រូវវិញអាចធានាថាធ្វើស្រែបាន ៣ ដងក្នុងមួយឆ្នាំយ៉ាងស្រួលនៅពេលនោះប្រាក់ចំណូលប្រចាំគ្រួសាររបស់ពួកគាត់ក៏នឹងកើនឡើងបានច្រើនដងដែរ »។
លោក ផារិទ្ធ បានបន្តថា ប្រសិនបើជម្រៅ ឬកម្ពស់រហូតដល់ ១០ ម៉ែត្រ នោះសមត្ថភាពបូមទឹករបស់វាបានត្រឹមតែ ពាក់កណ្តាលទេ គឺស្មើនឹង ២.៥ ម៉ែត្រគុបប៉ុណ្ណោះ។ ការដំឡើងប្រព័ន្ធសូឡាដើម្បីបូមទឹកដាក់ស្រែ ឬស្រោចស្រពផ្ទៃដីដំណាំ គឺមានលទ្ធភាពរហូតដល់ ២០៣០ម៉ែត្រគុប ក្នុង ១ ម៉ោង ប៉ុន្តែការចំណាយទុនដំបូងក៏ច្រើនដែរ។ ប្រព័ន្ធសូឡាសម្រាប់បូមទឹកអាចបូមទឹកពីក្នុងអណ្តូងជ្រៅៗលើសពី ១០២០ ម៉ែត្រក៏បានដែរ។ ប៉ុន្តែដើម្បីឲ្យការចំណាយដើមទុនតិចមានប្រសិទ្ធភាពខ្ពស់សម្រាប់ការដំឡើងប្រព័ន្ធសូឡានេះ កសិករត្រូវចេះវិធីសាស្ត្របញ្ចាល់ទឹកទុក ឬទប់ស្តុកទឹកទុកឲ្យមាននៅក្នុងអាង ស្រះ ឬព្រែក ដែលនៅជិតៗវាលស្រែឲ្យវាមានកម្ពស់តិចជាង ៥ម៉ែត្រ ទើបវាងាយស្រួលបូមបានទឹកច្រើនដោយប្រើប្រាស់ថាមពលតិចតួចប៉ុណ្ណោះ។
«ដើម្បីផ្តល់ភាពងាយស្រួល និងប្រសិទ្ធភាពខ្ពស់ ក្រុមហ៊ុន I.M.B ក៏មានការផ្តល់ជូនដល់អតិថិជនរបស់ខ្លួន អាចប្រើប្រាស់សេវាកម្មសូឡានេះបានតាមរយៈការបង់រំលស់ ដែលមានរយៈពេលរហូតដល់ ៣ឆ្នាំ តាមរយៈធនាគារអេស៊ីលីដា ផងដែរ» នេះបើតាមការអះអាងរបស់លោក ផារិទ្ធ។ «អតិថិជនបង់រំលស់របស់យើងមួយចំនួន មានអ្នកខ្លះជាម្ចាស់ចម្ការម្រេច ចម្ការដំណាំហូបផ្លែ នៅតាមបណ្តាខេត្តឆ្ងាយៗ និងអ្នកចិញ្ចឹមសត្វនៅក្បែរទីក្រុងភ្នំពេញ ផងដែរ»។
ក្រៅអំពីការធ្វើអាជីវកម្ម នាពេលកន្លងមកក្រុមហ៊ុន I.M.B និងអង្គការ LOCAB បានចូលរួមផ្តល់ប្រព័ន្ធសូឡាដោយដល់មន្ទីរពេទ្យនៅតាមជនបទ និងសាលារៀនអត់គិតប្រាក់រួមទាំងប្រជាជនដែលក្រីក្រប៉ុន្តែពួកគាត់មានឆន្ទៈក្នុងការពុះពារលើកស្ទួយជីវភាពគ្រួសារ និងលើកកម្ពស់អនាគតកូនៗរបស់ពួកគេ។
សមត្ថភាពអាចបូមទឹក បាន ៥ ម៉ែត្រគុប ក្នុង ១ ម៉ោង នៃរយៈកម្ពស់ ឬជម្រៅបូមឡើង ៤ ទៅ ៥ ម៉ែត្រ យ៉ាងមានប្រសិទ្ធភាពស្ទើរពេញមួយថ្ងៃតែម្តង( ៨-១០ ម៉ោងជាប្រចាំថ្ងៃ)»។ នេះបើតាមការអះអាងរបស់លោក ផារិទ្ធ។ «ជាធម្មតានៅ ពេលដែលកសិករមានទឹកសម្រាប់ស្រោចស្រពគ្រប់គ្រាន់ នោះពួកគាត់នឹងមានឱកាសដាំដុះកសិផលទាំងឡាយបានគ្រប់រដូវ ហើយបើស្រូវវិញអាចធានាថាធ្វើស្រែបាន ៣ ដងក្នុងមួយឆ្នាំយ៉ាងស្រួលនៅពេលនោះប្រាក់ចំណូលប្រចាំគ្រួសាររបស់ពួកគាត់ក៏នឹងកើនឡើងបានច្រើនដងដែរ»។
លោក ផារិទ្ធ បានបន្តថា ប្រសិនបើជម្រៅ ឬកម្ពស់រហូតដល់ ១០ ម៉ែត្រ នោះសមត្ថភាពបូមទឹករបស់វាបានត្រឹមតែ ពាក់កណ្តាលទេ គឺស្មើនឹង ២.៥ ម៉ែត្រគុបប៉ុណ្ណោះ។ ការដំឡើងប្រព័ន្ធសូឡាដើម្បីបូមទឹកដាក់ស្រែ ឬស្រោចស្រពផ្ទៃដីដំណាំ គឺមានលទ្ធភាពរហូតដល់ ២០-៣០ ម៉ែត្រគុប ក្នុង ១ ម៉ោង ប៉ុន្តែការចំណាយទុនដំបូងក៏ច្រើនដែរ។ ប្រព័ន្ធសូឡាសម្រាប់បូមទឹកអាចបូមទឹកពីក្នុងអណ្តូងជ្រៅៗលើសពី ១០-២០ម៉ែត្រក៏បានដែរ។ ប៉ុន្តែដើម្បីឲ្យការចំណាយដើមទុនតិចមានប្រសិទ្ធភាពខ្ពស់សម្រាប់ការដំឡើងប្រព័ន្ធសូឡានេះ កសិករត្រូវចេះវិធីសាស្ត្របញ្ចាល់ទឹកទុក ឬទប់ស្តុកទឹកទុកឲ្យមាននៅក្នុងអាង ស្រះ ឬព្រែក ដែលនៅជិតៗវាលស្រែឲ្យវាមានកម្ពស់តិចជាង ៥ម៉ែត្រ ទើបវាងាយ ស្រួលបូមបានទឹកច្រើនដោយប្រើប្រាស់ថាមពលតិចតួចប៉ុណ្ណោះ។
«ដើម្បីផ្តល់ភាពងាយស្រួល និងប្រសិទ្ធភាពខ្ពស់ ក្រុមហ៊ុន I.M.B ក៏មានការផ្តល់ជូនដល់អតិថិជនរបស់ខ្លួន អាចប្រើប្រាស់សេវាកម្មសូឡានេះបានតាមរយៈការបង់រំលស់ ដែលមានរយៈពេលរហូតដល់ ៣ ឆ្នាំ តាមរយៈធនាគារអេស៊ីលីដា ផងដែរ» នេះបើតាមការអះអាងរបស់លោក ផារិទ្ធ។ «អតិថិជនបង់រំលស់របស់យើងមួយចំនួន មានអ្នកខ្លះជាម្ចាស់ចម្ការម្រេច ចម្ការដំណាំហូបផ្លែ នៅតាមបណ្តាខេត្តឆ្ងាយៗ និងអ្នកចិញ្ចឹមសត្វនៅក្បែរទីក្រុងភ្នំពេញ ផងដែរ»។
ក្រៅអំពីការធ្វើអាជីវកម្ម នាពេលកន្លងមកក្រុមហ៊ុន I.M.B និងអង្គការ LOCAB បានចូលរួមផ្តល់ប្រព័ន្ធសូឡាដោយដល់មន្ទីរពេទ្យនៅតាមជនបទនិងសាលារៀនអត់គិតប្រាក់រួមទាំងប្រជាជនដែលក្រីក្រប៉ុន្តែពួកគាត់មានឆន្ទៈក្នុងការពុះពារលើកស្ទួយជីវភាពគ្រួសារ និងលើកកម្ពស់អនាគតកូនៗរបស់ពួកគេ។
លោក ផារិទ្ធ បន្ថែមថា ចំពោះអតិថិជននៅតាមតំបន់កោះឬភូមិសាស្ត្រដាច់ស្រយាល មានបំណងបង្កើតជាអាជីវកម្មសាកអាគុយតាមប្រព័ន្ធសូឡា វាពិតជាមានលក្ខណៈអំណោយ ផលល្អប្រសើរបំផុត ហើយចំណាយទុនមិនលើសពីការទិញ ម៉ាស៊ីនភ្លើង និងប្រេងឥន្ធនៈឡើយ។
ដោយឡែកអ្នកត្រូវការប្រើប្រព័ន្ធសូឡា ដើម្បីយកចរន្តអគ្គិសនីទៅប្រើប្រាស់សម្រាប់គេហដ្ឋាន ដែលមានទាំងទូទឹកកក ឬក៏ម៉ាស៊ីនត្រជាក់ ក៏យើងអាចដំឡើងបានទៅតាមតម្រូវការផងដែរ ជាមធ្យមសម្រាប់ទូទឹកកកមួយគ្រឿង យើងត្រូវចំណាយទុនប្រមាណ ៥៨០០ ដុល្លារ ដើម្បីបីបានភ្លើងប្រើប្រាស់ ចំណែកឯម៉ាស៊ីនត្រជាក់មួយគ្រឿងទំហំ ១ទៅ២ សេស គឺត្រូវចំណាយប្រាក់ រហូតដល់ប្រហែល ២០ ០០០ ដុល្លារអាមេរិក។
លោកបន្តថា រាល់ផលិតផល ឧបករណ៍ និងគ្រឿងបំពាក់នៅក្នុងប្រព័ន្ធសូឡា របស់ក្រុមហ៊ុន I.M.B ត្រូវបានកុម្ម៉ង់ទិញពីរោងចក្រនៅប្រទេសអាល្លឺម៉ង់ ជប៉ុន អូស្ត្រាលី និងតៃវ៉ាន់ ដោយផ្ទាល់តែម្តង៕
